"Манчестер Юнайтед" ҳужумчиси Криштиану Роналду қишки трансфер ойнасида "Челси"га ўтиши мумкин. 37 ёшли португалиялик футболчи билан шартнома имзолаш "кўклар" хўжайини Тодд Боулининг орзуси. Бу ҳақда The Telegraph нашри хабар бермоқда.
Манбага кўра, Боули ёзда Роналдуни ўз жамоасида кўрмоқчи бўлган, аммо трансферга ўша пайтдаги "Челси" бош мураббийи Томас Тухель қаршилик қилган. Немис мутахассиси ишдан бўшатилгандан сўнг, тадбиркор Грэм Поттерга бу ғояни таклиф қилиши мумкин.
Қайд этилишича, "Манчестер Юнайтед"нинг ўзи Роналду билан хайрлашишга қарши эмас, аммо январь ойида "Челси"га ўтиш эҳтимоли фақат футболчининг ўзига боғлиқ бўлиб, унинг манкунианликлар билан шартномаси 2023 йилнинг ёзига қадар давом этади.
Жорий мавсумда Роналду барча мусобақаларда 8 та ўйинда майдонда 378 дақиқа ўтказиб, битта гол урди.
