Мадриднинг "Реал" ва "Ливерпуль" клубларининг собиқ ярим ҳимоячиси Хаби Алонсо Германиянинг "Байер" клуби устозига айланди. Бу Жаҳон ва Европа чемпиони учун илк клуб ҳисобланади.
"Байер" клуби матбуот хизмати "Ливерпуль", "Реал" ва "Бавария" клубларининг собиқ футболчиси билан 3 йиллик шартнома имзолангани ҳақида хабар тарқатди.
Алонсо 2019 йилдан 2022 йилгача "Реал Сосьедад B"ни бошқарган. Бунгача у "Реал Мадрид" ёшлар жамоасида мураббий бўлиб ишлаган.
Бундеслиганинг 8-туридан сўнг “Байер” 5 очко жамғариб, турнир жадвалида 17-ўринни эгаллаб турибди.
