Туриннинг "Ювентус" клуби тез орада "Фиорентина" ҳужумчиси Стеван Йоветични сотиб олиш бўйича музокараларни бошлайди. Бу ҳақда Goal.com интернет нашри хабар тарқатмоқда.
Манбанинг маълум қилишича, туринликлар бош директори Беппи Маротта "фиалкалар" раҳбарияти билан аллақачон бу борада алоқага чиққан. Бироқ томонлар футболчининг трансфер суммаси борасида келиша олишмаган. "Ювентус" ҳозирча футболчи учун 13 миллион евро беришни режалаштирган. "Фиорентина" раҳбарлари эса черногориялик футболчи ортидан тахминан 30 миллион евро ишлаб олишни мўлжалламоқда.