39 ёшли ярим ҳимоячи Франк Рибери Италиянинг "Салернитана" клуби билан шартномасини муддатидан олдин бекор қилмоқчи. Тажрибали вингер футболчилик фаолиятини якунламоқчи, бу ҳақда инсайдер Жанлука ди Марцио ижтимоий тармоқлар орқали маълум қилди.
Эслатиб ўтамиз, Франк ўтган ёзда "Салернитана"га келиб қўшилганди. Жорий мавсумда у иккита ўйинда қатнашиб, гол ура олмади.
Рибери “Бавария”даги муваффақиятли фаолияти билан мухлислар хотирасида қолган. Қанот ярим ҳимоячиси Мюнхен жамоаси сафида 425 та ўйин ўтказиб, 124 та гол урган. Франция терма жамоаси таркибида у 81та ўйин ўтказиб, 16та гол урган.
