39 yoshli yarim himoyachi Frank Riberi Italiyaning "Salernitana" klubi bilan shartnomasini muddatidan oldin bekor qilmoqchi. Tajribali vinger futbolchilik faoliyatini yakunlamoqchi, bu haqda insayder Janluka di Marsio ijtimoiy tarmoqlar orqali ma’lum qildi.
Eslatib o‘tamiz, Frank o‘tgan yozda "Salernitana"ga kelib qo‘shilgandi. Joriy mavsumda u ikkita o‘yinda qatnashib, gol ura olmadi.
Riberi “Bavariya”dagi muvaffaqiyatli faoliyati bilan muxlislar xotirasida qolgan. Qanot yarim himoyachisi Myunxen jamoasi safida 425 ta o‘yin o‘tkazib, 124 ta gol urgan. Fransiya terma jamoasi tarkibida u 81ta o‘yin o‘tkazib, 16ta gol urgan.
