"Реал" бош мураббийи Карло Анчелотти "Манчестер Сити" ҳужумчиси Эрлинг Холанднинг трансфери борасида фикр билдиришдан бош тортди.
Испания чемпионатининг 8-туридан ўрин олган "Хетафе"га қарши ўйин олдидан ўтказилган матбуот анжуманида италиялик мутахассисдан 22 ёшли норвегиялик футболчини "Сити" белгилаган суммага сотиб олиши мумкинлиги ҳақида савол берилди.
"Кечирасиз, лекин мен Холанд ҳақида саволларга изоҳ бермайман", - дея Анчелотти сўзларини келтиради журналист Фабрицио Романо.
Холанд "Манчестер Сити"га 2022 йилнинг ёзида Дортмунднинг "Боруссия"сидан ўтган эди. Жорий мавсумда ҳужумчи клуб сафида 12 та ўйинда майдонга тушиб, 19 та гол урди ва 3 та голли узатмани амалга оширди.
