Мадриднинг “Реал” клуби бош мураббийи Карло Анчелотти ярим ҳимоячи Тони Крооснинг келажаги ҳақида гапирди.
Аввалроқ AS нашри 32 ёшли футболчи фаолиятини 2023 йилнинг ёзида якунлаши мумкинлиги ҳақида хабар берган эди.
“Кроос билан шартнома узайтирилдими? Бу унга боғлиқ. Агар у қолишга қарор қилса, биз ҳаммамиз бахтли бўламиз", - дея Анчелотти сўзларидан иқтибос келтиради журналист Фабрицио Романо ўзининг Twitter саҳифасида.
Кроос 2014 йилдан бери "Реал"да ўйнаб келмоқда. Унинг шартномаси 2023 йилнинг ёзига қадар мўлжалланган. Ярим ҳимоячи жорий мавсум Мадрид клуби сафида барча мусобақаларда 9 та ўйинда майдонга тушди ва 2 та голли узатмани амалга оширди.
