“Ювентус” ярим ҳимоячиси Адриен Рабьо Англиянинг етакчи клубларидан бирига ўтиши мумкин.

Франциялик футболчи ўтган ёзда Англияга кўчиб ўтиши мумкин эди, аммо унинг "Манчестер Юнайтед"га ўтиши амалга ошмай қолди.

Рабьонинг "Ювентус" билан шартномаси июнь ойида тугайди, хабарларга кўра, "Ливерпуль" ва Лондоннинг "Арсенал" жамоаси бундан фойдаланишни режалаштирмоқда.

Адриен Рабьо жорий мавсумда “Ювентус” сафида 6 та ўйинда майдонга тушиб, 2 та гол урган. 27 ёшли ярим ҳимоячи томонидан киритилган ҳар иккала гол ҳам Чемпионлар лигасидаги “Маккаби” клубига қарши ўйинда киритилди.