"Челси" ва Габон терма жамоаси ҳужумчиси Пьер-Эмерик Обамеянг "Арсенал" бош мураббийи Микель Артетани танқид қилди.
"Хави менга қўнғироқ қилганини эслайман. У "Арсенал"даги муаммоларим ҳақида билишини айтди. У "Барселона"га ёрдам беришимни айтди, шунинг учун мен трансферга рози бўлдим. Артетага келсак, у ажойиб ўйинчиларни қандай бошқаришни билмайди. Унга ҳеч нарса демайдиган ва тингламайдиган ёш ўйинчилар керак", - дея Обамеянгнинг сўзларини келтирмоқда Daily Mail.
Эслатиб ўтамиз, 33 ёшли Обамеянг 2022 йилнинг январида Артета билан зиддият туфайли "Арсенал"ни тарк этганди.
