Индонезия полицияси 1 октябрь куни Канжурухан стадионида тартибсизликлар рўй берганда фойдаланиш муддати ўтиб кетган кўздан ёш оқизувчи газдан фойдаланганини тан олди. Шунга қарамай, полициячилар муддати ўтиб кетган газ одамни ўлдирмаслигини таъкидлашмоқда, деб хабар бермоқда TEMPO.CO портали.
Полициячилар 1 октябрь куни "Арема" ва "Персебая" жамоалари учрашувида Канжурухан стадионига чиқиб кетган футбол ишқибозларини тарқатиш учун кўздан ёш оқизувчи газдан фойдаланган. Натижада одамлар орасида ваҳима ва ур-йиқит келиб чиққан. Воқеа 131 кишининг ҳаётдан кўз юмишига сабаб бўлди, юзлаб ишқибозлар жароҳат олган.
Индонезия полициясининг жамоатчилик билан алоқа бўйича бўлим бошлиғи, генерал Деди Прасетьонинг TEMPO.CO порталига баёнот беришича, кўздан ёш оқизувчи газнинг фойдаланиш муддати тугаса, унинг кимёвий таъсир кучи ҳам пасаяди.
Прасетьонинг қўшимча қилишича, мамлакат полициясининг олиб борган текширувларига кўра, стадионда рўй берган фожиа қурбонлари кўздан ёш оқизувчи газдан эмас, балки ур-йиқит пайтида ҳалок бўлган.
