"ПСЖ" ҳужумчи Килиан Мбаппени 400 миллион еврога сотишга тайёр, дея хабар бермоқда португалиялик инсайдер Антеро Энрике ижтимоий тармоқларда.

Манба берган хабарга кўра, парижликлар билан шартнома узайтирилганидан сўнг 23 ёшли франциялик футболчига бир қатор клублар қизиқиш билдира бошлаган.

Аввалроқ Мбаппе 2023 йилнинг январида "ПСЖ"ни тарк этмоқчилиги ҳақида хабар берилганди. Ҳужумчи ўзини француз клуби раҳбарияти томонидан "хиёнат қилган" ҳис қилмоқда. Унинг норозилиги сабабларидан бири бу ҳужумчининг жамоада ўйнаган позициясидир.

Мбаппе жорий мавсумда "ПСЖ" сафида 13 та ўйинда майдонга тушиб, 12 та гол урди. Унинг жамоа билан шартномаси 2025 йилнинг июнигача мўлжалланган. Transfermarkt портали футболчини 160 миллион еврога баҳоламоқда.