УЕФА президенти Александр Чеферин Беларусь терма жамоасини турнирларда иштирок этишдан четлаштириш ҳақидаги популистик чақириқларга муносабат билдирди.
"Ҳаммани четлатиб ташланг!" - деган чақириқ бироз популистик. Айни дамда биз бунга ҳеч қандай сабаб кўрмаяпмиз. Агар бирор нарса ўзгарса, албатта жавоб берамиз. Сиёсатчилар қарор қабул қилишаётганида бизни ҳурмат қилишлари керак. Биз сиёсатчиларга нима қилиш кераклигини айтмаймиз” - Чеферинни сўзларидан иқтибос келтирмоқда Bild.
Аввалроқ Der Spiegel нашри Германия ички ишлар вазири Нэнси Файзер УЕФАга Беларусь терма жамоасини мамлакат Россиянинг сиёсий иттифоқчиси бўлганлиги сабабли четлатишни сўраб мурожаат қилгани ҳақида хабар берган эди.
