Муҳаммад Салоҳ Чемпионлар лигаси тарихидаги энг тез хет-трик қайд этди.
"Ливерпуль" ҳужумчиси Чемпионлар лигаси гуруҳ босқичи 4-турида "Рейнжерс" билан ўйинда (7:1) учта гол урди. Мисрликка бу ишни амалга ошириш учун 6 дақиқа 12 сония керак бўлди. Барча голларда унга Диогу Жота ёрдам берди.
Аввалги рекорд 2011-йилда Загребнинг “Динамо” клуби дарвозасига 8 дақиқада учта гол урган “Лион” футболчиси Бафетимби Гомисга тегишли эди.
Энди Салоҳ жорий Чемпионлар лигасининг 4 та ўйинида 5 та голга эга - бунгача у "Рейнжерс" билан охирги ўйинда (2:0) ва "Аякс" билан (2:1) ўйинда биттадан гол урган.
Эслатиб ўтамиз, Премьер-лига доирасида Салоҳ 5 та ўйиндан буён гол ура олмаяпти – охирги марта 22 август куни “Манчестер Юнайтед” билан ўйинда (1:2) гол урганди.
