"Интер" бош мураббийи Симоне Индзаги "Барселона"га қарши ўйинни сарҳисоб қилди.
Жамоалар Чемпионлар Лигаси гуруҳ босқичининг 4-турида 3:3 ҳисобида дуранг ўйнади.
“Жуда кучли рақибга қарши ажойиб ўйин ўтказган йигитларни табриклашимиз керак.
Биз кўп вазиятлар яратдик ва керак бўлганда ҳимояда бирга чидадик. Ғалаба қозонганимизда, ушбу босқич тугашига икки тур қолганда гуруҳдан чиққан бўлардик, аммо “Виктория”га қарши ўйинда мухлисларга бу завқни бағишлаймиз деган умиддамиз.
Биз дадил бўлишимиз кераклигини билардик. Жамоа ҳеч қачон ҳаракатдан тўхтатмади. Биринчи бўлим охирида мен йигитларга хотиржам бўлишларини айтдим, чунки биз хавфли вазиятлар яратишимиз мумкинлигини билардик”, - дейди Индзаги.
