Жоау Феликс январда "Атлетико"ни тарк этиши мумкин.

Португалиялик футболчини мадридликлар жамоасидаги ролидан қониқмаяпти. Эслатиб ўтамиз, ярим ҳимоячи сўнгги 4та ўйинда жами 29 дақиқа майдонда ўтказди. У Чемпионлар лигасида "Брюгге"га қарши ўйинда ҳам захирадан майдонга тушмаслигини тушунгач, ғазаб билан либосини майдонга улоқтирди.

Феликс жамоадаги ўз позициясини номақбул деб ҳисоблайди ва бу ўзгармаслигини ўйлайди, чунки Диего Симеоне кейинги мавсумда ҳам бош мураббий бўлиб қолади.

Шу муносабат билан 22 ёшли футболчи қишки трансфер ойнасида жамоани тарк этиш ҳақида ўйламоқда, дея хабар беради COPE.

Феликс жорий мавсум Ла Лигада 8 та ўйинда майдонга тушиб, 3 та голли узатмани амалга оширди.