"Ювентус" ва "Милан" "Атлетико" ва Аргентина терма жамоаси ярим ҳимоячиси Родриго де Паулга қизиқиш билдирмоқда, деб хабар беради El Mundo Deportivo.
Манбанинг хабарига кўра, итальян клублари қишки трансфер ойнасида футболчини сотиб олиш вариантини кўриб чиқмоқда. Мадридликлар футболчини 35 миллион еврога баҳоламоқда.
28 ёшли де Пауль жорий мавсумда “Атлетико” сафида 9 та ўйинда майдонга тушиб, 1 та гол урди ва битта голли узатмани амалга оширди. Унинг клуб билан шартномаси 2026 йилнинг ёзига қадар мўлжалланган.