“Лацио” бош мураббийи Маурицио Сарри Европа лигаси доирасида “Штурм”га қарши ўйинда (2:2) ҳакамлар ишини танқид қилди.
"Бугун ҳакам ўз вазифасини бажара олмади, у ҳаммани ғазаблантирди", - дея изоҳ берди римликлар устози ҳакамнинг танаффус олдидан Мануэль Лаццарини четлатиш ҳақидаги қарорига. "Биз биринчи бўлимни муносиб ўтказдик, кўплаб вазиятлар яратдик ва олдинга чиқиб олдик, аммо тиғиз тақвим бизга таъсир қилмай қолмади - биз ҳар уч кунда ўйнаяпмиз", - деди Сарри Sky Sport Italia нашрига берган интервьюсида.
"Лацио" ўз гуруҳида бошқа жамоалар сингари 5 очко жамғарган ҳолда учинчи ўринда бормоқда. Биринчи ўринда эса энг яхши тўп фарқига эга "Фейеноорд" жамоаси турибди.
