“Lasio” bosh murabbiyi Maurisio Sarri Yevropa ligasi doirasida “Shturm”ga qarshi o‘yinda (2:2) hakamlar ishini tanqid qildi.
"Bugun hakam o‘z vazifasini bajara olmadi, u hammani g‘azablantirdi", - deya izoh berdi rimliklar ustozi hakamning tanaffus oldidan Manuel Lassarini chetlatish haqidagi qaroriga. "Biz birinchi bo‘limni munosib o‘tkazdik, ko‘plab vaziyatlar yaratdik va oldinga chiqib oldik, ammo tig‘iz taqvim bizga ta’sir qilmay qolmadi - biz har uch kunda o‘ynayapmiz", - dedi Sarri Sky Sport Italia nashriga bergan intervyusida.
"Lasio" o‘z guruhida boshqa jamoalar singari 5 ochko jamg‘argan holda uchinchi o‘rinda bormoqda. Birinchi o‘rinda esa eng yaxshi to‘p farqiga ega "Feyenoord" jamoasi turibdi.
