Европа лигаси доирасида Кипрнинг “Омония” жамоасига қарши ўйинда ғалаба тўпини киритган “Манчестер Юнайтед” ярим ҳимоячиси Скотт Мактоминай учрашув якунланганидан сўнг журналистларга интервью берди.
“Бу жамоамиз учун жуда муҳим уч очко. Гуруҳда ғалаба қозонишимиз керак, бу бош мураббий олдимизга қўйган мақсад. Барча ўйинчилар ушбу вазифасини бажаришни хоҳлашмоқда. Демак, бугунги муваффақият биз учун жуда муҳим эди”, - деди футболчи клуб матбуот хизматига.
Тўрт турдан сўнг "манкунианликлар" 9 очко жамғариб, Е гуруҳида иккинчи ўринни эгаллаб турибди. Британияликлар пешқадам "Реал Сосьедад"дан 3 очко ортда қолмоқда.
