Yevropa ligasi doirasida Kiprning “Omoniya” jamoasiga qarshi o‘yinda g‘alaba to‘pini kiritgan “Manchester Yunayted” yarim himoyachisi Skott Maktominay uchrashuv yakunlanganidan so‘ng jurnalistlarga intervyu berdi.
“Bu jamoamiz uchun juda muhim uch ochko. Guruhda g‘alaba qozonishimiz kerak, bu bosh murabbiy oldimizga qo‘ygan maqsad. Barcha o‘yinchilar ushbu vazifasini bajarishni xohlashmoqda. Demak, bugungi muvaffaqiyat biz uchun juda muhim edi”, - dedi futbolchi klub matbuot xizmatiga.
To‘rt turdan so‘ng "mankunianliklar" 9 ochko jamg‘arib, YE guruhida ikkinchi o‘rinni egallab turibdi. Britaniyaliklar peshqadam "Real Sosyedad"dan 3 ochko ortda qolmoqda.
