Миланнинг “Интер” клуби ҳужумчиси Ромелу Лукаку мушакларидаги жароҳат туфайли яна бир ҳафта майдонга туша олмайди. Бу ҳақда Италиянинг La Gazzetta dello Sport нашри хабар бермоқда.
Эслатиб ўтамиз, Лукакунинг сафга қайтиши халқаро танаффусдан кейин режалаштирилган эди, бироқ бельгиялик футболчи ўзини ноқулай ҳис қилганлиги туфайли сўнгги ўйинларда иштирок этишга тайёр эмас эди.
Лукаку ёзда Лондоннинг “Челси” клубидан ижара асосида “Интер”га қайтган эди. Бельгиялик футболчи А Серияда битта гол уришга муваффақ бўлди, бироқ, жароҳат олиб, бир неча ҳафтага сафдан чиқди.
Лукаку келаси мавсумда "Челси"га қайтиши ва Грэм Поттер қўл остида ўзини синаб кўриши мумкинлиги ҳақида миш-мишлар тарқалди.
