“Ювентус”даги навбатдаги омадсиз ўйиндан сўнг, туринликлар бир муддат ёпиқ эшиклар ортида машғулот ўтказишга қарор қилишди.
Аксарият футболчилар бу қарорни қўллаб-қувватламади, чунки ўзига хос машғулот жамоанинг муаммоларини ҳал этмаслигига ишонишди. Бундан ташқари, футболчилар бош мураббий Массимилиано Аллегрига нисбатан бошқа шикоятларни ҳам тўплашди, дея хабар беради La Gazzetta Dello Sport.
Футболчилар мураббийнинг очиқроқ бўлишини ва улар билан тез-тез мулоқот қилишини хоҳлашади, айниқса кадрлар масаласида.
Қайд этилишича, футболчилар Аллегрининг машғулот усулларидан норози. Ўйинчилар машғулотларда жуда кўп югуришади, лекин айни пайтда паст интенсивликни сақлаб қолишмоқда.