Журналист Фабрицио Романонинг фикрича, "Арсенал" Дортмунднинг "Боруссия" клуби ярим ҳимоячиси Жуд Беллингем учун курашда қатнашмайди.
Манба берган хабарга кўра, "канонирлар" раҳбарияти "Челси", "Манчестер Сити", "Ливерпуль" ва "Реал" клублари қизиқиш билдираётган 19 ёшли футболчига юқори маош таклиф қила олмаслиги билдиришди.
Беллингемнинг немис клуби билан амалдаги шартномаси 2025 йилнинг ёзига қадар тузилган. Transfermarkt портали англиялик футболчини 90 миллион еврога баҳоламоқда.
Жорий мавсумда иқтидорли ярим ҳимоячи “Боруссия” сафида 14 та ўйинда майдонга тушиб, 5 та гол урди ва 2 та голли узатмани амалга оширди.
