"Ювентус" бошқарувида Маурицио Сарри бўлган вақтда ҳозирда "Наполи" шарафини ҳимоя қилаётган Хвича Кварацхелия туринликлар сафига бориб қўшилиши мумкин эди.
Il Messagero хабарига кўра, 2019 йилда италиялик мутахассис ёш грузияликнинг иқтидорини кўрган ва унинг номзодини "Ювентус" раҳбариятига потенциал трансфер қилиш учун таклиф қилган, бироқ Саррининг тавсиялари эътиборга олинмаган.
Маурицио Сарри 2020 йилнинг ёзида "Ювентус" томонидан истеъфога чиқарилган эди, унинг лавозимини Андреа Пирло эгаллаган, у ўз навбатида Массимилиано Аллегри қайтганидан сўнг "кекса синьора" бош мураббийи лавозимини тарк этганди.
Хвича Кварацхелия 2022 йилнинг ёзида Батуми “Динамо”сидан 10 миллион евро эвазига “Наполи”га ўтган эди. Грузиялик футболчи жорий мавсумда 13та ўйинда неаполликлар сафида А Серия ва Чемпионлар лигасида 7та гол урди ва 7та голли узатмани амалга оширди.
