"Атлетико Мадрид" бош мураббийи Диего Симеоне сўнгги пайтларда камдан-кам майдонга тушаётган ва клубини ўзгартириш ҳақида ўйлаётган португалиялик ҳужумчи Жоау Феликс ҳақида ўз фикри билан ўртоқлашди.
"Тўғрисини айтаман. Корреа, Феликс, Гризманн, Мората, Кунья билан ғалаба қозонишни истайман. Бу ҳақиқат. Айни пайтда Жоаунинг ўйин савияси тушиб кетган, шунинг учун майдонга бошқа ўйинчилар тушишмоқда. Феликс. ҳамма каби футболчи. Қачон формага кирса ўйнайди. У ишлаши керак", - деди Симеоне Marca нашрига.
22 ёшли Феликс жорий мавсумда “Атлетико” сафида 11 та ўйинда майдонга тушди ва 3 та голли узатмани амалга оширди. Унинг клуб билан шартномаси 2026 йилнинг ёзига қадар мўлжалланган.
