Англия чемпионатининг ўн биринчи тури “Брентфорд” – “Брайтон” учрашуви билан бошланди ва унда Томас Франк шогирдлари Айван Тоунининг иккита голи эвазига ғалаба қозонишди.
Маълум бўлишича, "Брентфорд" тўпга жами 27,6 фоиз эгалик қилганига қарамай, ғалаба қозонишга муваффақ бўлди. Бу жорий йилнинг май ойида "Эвертон" "Челси"ни 21,7 фоиз тўпга эгалик қилиш билан мағлуб этганидан бери Премьер-лига ўйинида ғалаба қозонган жамоа учун энг паст тўпга эгалик қилишдир.
Англия Премьер-лигаси чемпионатининг навбатдаги турида “Брентфорд” Лондоннинг “Челси” жамоасини қабул қилади, бу ўйин 19 октябрь куни бўлиб ўтади.
