Angliya chempionatining o‘n birinchi turi “Brentford” – “Brayton” uchrashuvi bilan boshlandi va unda Tomas Frank shogirdlari Ivan Tonining ikkita goli evaziga g‘alaba qozonishdi.
Ma’lum bo‘lishicha, "Brentford" to‘pga jami 27,6 foiz egalik qilganiga qaramay, g‘alaba qozonishga muvaffaq bo‘ldi. Bu joriy yilning may oyida "Everton" "Chelsi"ni 21,7 foiz to‘pga egalik qilish bilan mag‘lub etganidan beri Premyer-liga o‘yinida g‘alaba qozongan jamoa uchun eng past to‘pga egalik qilishdir.
Angliya Premyer-ligasi chempionatining navbatdagi turida “Brentford” Londonning “Chelsi” jamoasini qabul qiladi, bu o‘yin 19 oktyabr kuni bo‘lib o‘tadi.
