«Manchester Siti» klubi matbuot xizmati APLning 37-turi doirasida bo‘lib o‘tgan «Bornmut»ga qarshi o‘yin oldidan jamoa himoyachisi Abduqodir Husanov uchun maxsus ishlab chiqarilgan butsaning suratini ijtimoiy tarmoqlar orqali namoyish etdi.
"Puma" tomonidan ishlab chiqarilgan oyoq kiyimiga "KHUSANOV" yozuvi va O‘zbekiston bayrog‘i aks ettirilgan. Klub matbuot xizmati suratga qo‘shimcha izoh sifatida "O‘zbek g‘ururi" deya yozib qo‘ydi.














