"Манчестер Юнайтед" "Интер" ҳужумчиси Лаутаро Мартинесга қизиқиш билдирмоқда, деб хабар беради La Gazzetta dello Sport.
Манбага кўра, манкунианликлар Милан клубидан эҳтимолий трансфер ҳақида маълумот сўрашган. Шу билан бирга, 25 ёшли аргентиналик футболчи ҳозирча бошқа жамоалар таклифларини кўриб чиқишга тайёр эмаслиги, чунки у бутун этиборини "нерадзурри"даги ўйинларга қаратгани таъкидланган.
Мартинеснинг "Интер" билан амалдаги шартномаси 2026 йилнинг ёзига қадар мўлжалланган.
Жорий мавсумда ҳужумчи 13 та ўйин ўтказиб, 4 та гол урди ва 2 та голли узатмани амалга оширди.
