"Manchester Yunayted" "Inter" hujumchisi Lautaro Martinesga qiziqish bildirmoqda, deb xabar beradi La Gazzetta dello Sport.

Manbaga ko‘ra, mankunianliklar Milan klubidan ehtimoliy transfer haqida ma’lumot so‘rashgan. Shu bilan birga, 25 yoshli argentinalik futbolchi hozircha boshqa jamoalar takliflarini ko‘rib chiqishga tayyor emasligi, chunki u butun etiborini "neradzurri"dagi o‘yinlarga qaratgani ta’kidlangan.

Martinesning "Inter" bilan amaldagi shartnomasi 2026 yilning yoziga qadar mo‘ljallangan.

Joriy mavsumda hujumchi 13 ta o‘yin o‘tkazib, 4 ta gol urdi va 2 ta golli uzatmani amalga oshirdi.