"Манчестер Сити" ярим ҳимоячиси Кевин де Брюйне "Арсенал" бош мураббийи Микель Артетанинг жамоаси натижаларига қўшган ҳиссасини юқори баҳолади.
"Артетанинг "Арсенал"даги натижалари мени ҳайратда қолдирмади. Унинг ўйинида биз амал қиладиган услуб билан кўп умумий томонларни кўраман. Артета жуда амбицияли мураббий", - дея де Брюйне сўзларини келтиради Arsenal Guns.
Эслатиб ўтамиз, Артета 2019 йил охиридан буён "Арсенал"ни бошқариб келмоқда. Ўшандан бери испаниялик мутахассис "канонирлар" сафида Англия кубоги ва Суперкубогини қўлга киритди.