"Эвертон" мураббийи Фрэнк Лэмпард "Тоттенхэм"га қарши ўйинда қўлдан бой берилган имкониятлар ҳақида гапирди.
"Биринчи бўлимда биз жуда интизомли кўриндик, "Тоттенхэм"га қўшимча жой қолдирмадик. Бизда гол уриш учун иккита ажойиб имконият бўлди ва бундай лаҳзалар бундай ўйинларда муҳим рол ўйнайди. Агар шу имкониятлардан бирини голга айлантирганимизда, эҳтимол бугун оқшомни бой бермасдик.
Албатта, иккинчи бўлимда хатоларга йўл қўйдик. Ўйлайманки, фарқ пеналти орқали амалга оширилди, унгача ҳаммаси яхши кетаётганди", деди “Эвертон” бош мураббийи Sky Sports нашрига берган интервьюсида.
