Собиқ инглиз футболчиси Ноэль Уиланнинг фикрича, "Ливерпуль" Килиан Мбаппени сотиб олиши керак.
Франциялик ҳужумчи "ПСЖ"ни тарк этмоқчи ва 23 ёшли суперюлдуз учун асосий давогарлардан бири "Ливерпуль" ҳисобланади. Уиланнинг сўзларига кўра, "қизиллар"нинг юқори даражадаги трансферини амалга оширишга ҳеч нарса тўсқинлик қилмаслиги керак.
"Менимча, ҳамма Мбаппени жамоада кўришни хоҳлайди. Мен бундай ўйинчидан бош тортадиган мураббийни тасаввур қила олмайман.
Килиан "Ливерпул"нинг ўйин услубига мос келади, ёш ўйинчиларни сотиб олиш стратегиясига мос келади ва албатта мухлисларнинг севимлиси бўлади. Салоҳнинг даври ўз ниҳоясига етмоқда", - деди англиялик футболчи.
