Лондоннинг “Арсенал” клуби ярим ҳимоячиси Гранит Жака жамоадоши, украиналик Александр Зинченко ҳақида гапирди.
“Ҳар кимнинг ўзига хос феъл-атвори, ўзига хос фазилатлари бор. Зинченко - кулгили йигит, сиз у билан ҳазил қилишингиз мумкин. "Ливерпуль" билан ўйин олдидан йиғилиш ўтказдик ва у жуда кўп гапирди. Ортимда ўтираркан, “қачон тўхтаркин?” деб ўйладим. У ажойиб йигит, у жуда самимий. Бизнинг жамоамизга шундай инсон керак", — деди Жака Goal порталига.
Зинченко ёзги трансфер ойнасида "Арсенал"га ўтди. Футболчининг клуб билан шартномаси 2026 йилгача мўлжалланган.
