Италиялик ҳужумчи Фабио Борини расман "Ливерпуль" ўйинчиси деб таништирилди. Бугун 21 ёшли футболчи тиббий кўрикдан ўтди ва клуб билан узоқ муддатли шартнома имзолади. Борини жамоада 29-рақамни танлади.
"Мен яна Англияга келганимдан хурсандман. Бу ўтмишда жуда кўп совринларни ютган жамоа ва ишонамизки келажакда ҳам бунга эришади. Мен менежерга ҳам, клубга ҳам ишонаман ва "Ливерпуль"га ўтганимдан фахрланаман.
Мен қачонлардир қайтишимни билар эдим. "Ливерпуль"да нималарга қодир бўлсам, боримни кўрсатаман. Олдимизда Европа лигаси ва ички чемпионат ўйинлари турибди", - дея Боринининг сўзларини келтиради клуб расмий сайти.
