Бельгия терма жамоаси ва "Брайтон"нинг ҳужумкор ярим ҳимоячиси Леандро Троссар Ла Лигага кўчиб ўтиши мумкин.

Daily Mail нашри хабарига кўра, футболчига Мадриднинг "Атлетико" клуби қизиқиш билдирмоқда. “Матрасчилар” 25 ёшли футболчи учун “Арсенал” ва “Челси” билан курашишга тайёр.

Троссард 2019 йилдан бери “Брайтон” сафида ўйнаб келмоқда. Футболчининг клуб билан амалдаги шартномаси жорий мавсум охиригача мўлжалланган. Унинг трансфер нархи 25 миллион евро.

Англия Премьер-лигасининг жорий мавсумида бельгиялик футболчи 9 та ўйин ўтказиб, 5 та гол урди ва битта голли узатмани амалга оширди.