Германиянинг "Лейпциг" клубида тўп сураётган ҳужумкор ярим ҳимоячи Кристофер Нкунку Англия Премьер-лигасининг яна бир топ-клуби эътиборига тушди. Бу ҳақда The Sun нашри хабар бермоқда.
“Ливерпуль” франциялик футболчини ўз сафига қўшиб олмоқчи. "Мерсисайдликлар" трансфер нархи 80 миллион еврога баҳоланган 24 ёшли футболчи учун Лондоннинг “Челси” клубига қарши кураш олиб боришга тайёр.
Кристофернинг "буқалар" билан шартномаси 2026 йилнинг июнь ойи охиригача амал қилади. Нкунку жорий мавсумда ўнта ўйинда 7 та гол урган.
