Бразилиялик собиқ ҳужумчи Роналдо Қатарда бўлиб ўтадиган 2022 йилги Жаҳон чемпионатида Неймарнинг терма жамоадаги ўрни ҳақида гапирди.
“Неймар жамоада энг кўп босим остида бўлади. Албатта, Бразилияда жуда кўп юлдуз футболчилар бор, аммо барча эътибор Неймарнинг ўйинига қаратилади. Жорий мавсумда у фаолиятининг жуда муваффақиятли босқичини бошдан кечирмоқда", - деди Роналдо Lequipe билан суҳбатда.
Эслатиб ўтамиз, Жаҳон чемпионати 20 ноябрдан 18 декабрга қадар бўлиб ўтади. Турнирнинг гуруҳ босқичида Бразилия Камерун, Сербия ва Швейцария терма жамоаларига қарши баҳс олиб боради.
