Лондоннинг “Арсенал” клуби таъқибчилар орасидаги фарқни тўрт очкога етказди.
"Канонирлар" "Лидс"ни 1:0 ҳисобида мағлуб этган бўлса, "Манчестер Сити" "Энфилд"да "Ливерпул"га худди шундай ҳисобда мағлуб бўлди. Эндиликда Микель Артета шогирдлари ҳисобида 27 очко бор, "шаҳарликлар" эса 23 очкога эга ва "Тоттенхэм" билан иккинчи поғонани бўлишиб турибди.
"Мен ҳали ҳам "Сити"ни чемпионлик учун фаворит деб ҳисоблайман. "Арсенал" мавсумни ажойиб бошлади, аммо чемпионлик ҳали узоқда эканлиги аниқ. Ҳозирда ҳам кўпчилик "Сити"га қарши баҳс ўтказиши даргумон, чунки улар амалдаги чемпион ва жуда кучли жамоа", - деди "Манчестер Юнайтед"нинг собиқ ярим ҳимоячиси.
