Бугун Осиё Футбол Конфедерацияси (ОФК) Ижроия қўмитаси Қатар футбол ассоциациясини 2023 йилги Осиё Кубогига мезбон ассоциацияси сифатида тасдиқлади.
ОФК президенти Шайх Салмон бин Иброҳим ал Ҳалифа ОФК Ижроия қўмитасининг 11-йиғилишига раислик қилди ва Қатар Футбол Ассоциациясини бўлажак йирик турнир учун мезбонлиги билан табриклади:
“ОФК ва Осиё футбол оиласи номидан Қатар футбол ассоциациясини яқинлашиб келаётган ОФК Осиё Кубоги мусобақасига мезбонлик қилиш ҳуқуқи берилгани билан табриклайман.
Шунингдек, Индонезия футбол ассоциацияси ва Корея футбол ассоциациясига турнирни ўтказиш ниятларини билдиргани учун миннатдорчилик билдириб ўтамиз”.
Қатар ОФК Осиё Кубоги мусобақасининг амалдаги чемпиони ҳисобланади, 1988 ҳамда 2011 йилларда ҳам қитъанинг энг нуфузли биринчилигига ушбу мамлакат мезбонлик қилган.
