"Манчестер Сити" ярим ҳимоячиси Илкай Гюндоган "Ливерпул"дан учралган мағлубият (0:1) ҳақида ўз фикрлари билан ўртоқлашди.
“Ҳафсаламиз пир бўлди. Бир-иккита яхши голли вазиятларни бой бердик ва рақибга гол уриш учун имконият бердик. Салоҳ биринчи имкониятни голга айлантира олмаганида бизга омад кулиб боқди, лекин у иккинчи имкониятдан фойдаланди.
"Манчестер Сити" ва "Ливерпуль" сўнгги бир неча йил ичида Англиянинг ва эҳтимол бутун Европанинг энг яхши жамоаларидан бири. Албатта, бундай рақибларнинг ўйини кескин ва тажовузкор бўлиши керак эди. Қолаверса, трибуналарда жуда кўп мухлислар тўпланишди. Бу жуда яхши ўйин бўлишини ҳамма билар эди. Бироқ натижа биз учун салбий бўлди", - деди Гюндоган "Манчестер Сити" расмий сайтига.
