Франциянинг “Лилль” клуби ҳужумчиси Жонатан Дэвид Европанинг етакчи клубларидан бирида ўйнашга умид қилмоқда.
Канадалик футболчи ўтган мавсумда ажойиб ўйин кўрсатди, Франция чемпионатида 15 та гол урди, бироқ кўплаб миш-мишларга қарамай, ёзда "Лилл"да қолди.
Журналист Флориан Плеттенбергнинг сўзларига кўра, Дэвид ҳозирги клубида жорий мавсум якунланганидан кўпроқ қолиш ниятида эмас. 22 ёшли ҳужумчи Европа футболи гигантлари сафига ўтишни режалаштирган. “Бавария” футболчига даъвогарлар қаторида.
Бугунги кунга келиб Жонатан Дэвид "ПСЖ" ҳужумчиси Неймар билан бирга 9 та гол билан Лига 1да тўпурарлар рўйхатини бошқариб турибди.
