"Барселона"нинг собиқ скаути Неймар қандай қилиб "Реал"га ўтиши мумкинлигини эслади.

Бразилиялик футболчи 2013 йилнинг ёзида 88 миллион евро эвазига "Барселона"га ўтган эди, бироқ аввалроқ, "Реал" сафига қўшилиши мумкин эди.

Каталониялик собиқ скаутнинг айтишича, мадридликлар Бразилиянинг "Сантос" клубида ўйнаган ўша пайтда ўсиб бораётган юлдузни сотиб олиш учун ақл бовар қилмайдиган - 160 миллион евро сарфлашга тайёр эди.

Неймар "Барселона"да тўрт мавсум ўтказди, шундан сўнг рекорд даражадаги 222 миллион евро эвазига "ПСЖ"га ўтди. 30 ёшли ҳужумчининг парижликлар билан амалдаги шартномаси 2025 йилгача мўлжалланган.