"Челси" ярим ҳимоячиси НГоло Канте келаси ёзда "Ювентус"га ўтиши мумкин. Бу ҳақда Calciomercato хабар берди.
Манбага кўра, туринликлар Канте ва "Челси" ўртасидаги шартномани узайтириш масаласини диққатлик билан кузатиб бормоқда. Агар томонлар келиша олмаса, "Юве" французни ўз сафига қўшиб олишга тайёр.
Бироз аввал 31 ёшли Канте жароҳати сабаб 4 ойга сафдан чиққанлиги хабар қилинганди. У жаҳон чемпионатини ўтказиб юборади.