“Барселона” ҳужумчиси Роберт Левандовскининг киритган голлари сони 600 тадан ошиб кетди.
Кеча тунда польшалик ҳужумчи Ла лига доирасида "Вильярреал"га қарши ўйинда (3:0) иккита гол урди - 31 ва 35-дақиқаларда.
BBC нашри хабарига кўра, биринчи гол 34 ёшли ҳужумчи учун юбилей ҳисобланади. Чунки Левандовски профессионал фаолияти бошланганидан бери 600-голини урди. Левандовски аср бошидан буён бу маррага эришган учинчи футболчи бўлиб, бунгача фақат Криштиану Роналду ва Лионель Месси эришган.
"Бавария"дан "Барселона"га ўтганидан бери Роберт Левандовски барча мусобақаларда 14 учрашувда 16 та гол урди.
