"Манчестер Сити" бош мураббийи Хосеп Гвардиола тақвим ҳақида фикр билдирди. “Шаҳарликлар ” ҳафта давомида майдонга тушмади – уларнинг “Арсенал”га қарши ўйини қолдирилди, чунки лондонликлар Европа Лигаси тақвимига кўра ПСВга қарши ўйинни ўтказишди.
"Дам олиш бизга етакчилик берадими? Ҳар етти йилда битта афзаллик муаммо эмас. Еврокубокларда иштирок этмайдиган барча жамоалар еврокубокларда қатнашувчиларга нисбатан маълум бир устунликка эга. Биз дам олдик ва тайёргарлик кўрдик. Одатда биз вақти кўпроқ бўлган жамоаларга қарши ўйнаймиз, лекин ҳеч қачон нолимаганмиз. Айтганча, “Арсенал”га қарши ўйнасак, қолганлар дам олади” - деди Гвардиола матбуот анжуманида.
