Мюнхеннинг “Бавария” клуби бош директори Оливер Кан собиқ жамоадоши, франциялик футболчи Франк Риберининг фаолиятини якунлагани ҳақида фикр билдирди.

“Бавария ва бутун футбол тарихидаги энг буюк футболчилардан бири Франк Рибери фаолиятини якунламоқда. У билан ўйнаш менга насиб этди ва у ҳужумдаги ҳаракатлари билан мухлисларимизни қандай хурсанд қилганини жуда яхши тушунаман.

Франк майдондаги ўзига хос ўйинчилардан бири эди. У нафосатни ифодалаган. "Бавария"да Рибери ўн йил давомида жамоанинг бир қисми бўлгани ва бизга энг муҳим совринларни қўлга киритишига ёрдам берганидан фахрланади", - дея собиқ дарвозабоннинг сўзларидан иқтибос келтирган Bayern & Germany Twitter саҳифаси.

Кеча, 21 октябрь куни 39 ёшли франциялик футболчи профессионал футболдаги фаолиятини якунлаганини эълон қилди.