Бир неча кундан бошлаб, интернет тармоғида Ўзбек ва Жаҳон футболи ҳақидаги янги бир сайт ишга тушди. 

Шахсий лойиҳа ҳисобланган penalti.uz сайтида таркибий ва йўналиш жиҳатдан бошқа сайтлардан фарқ қилади. Йўқ, сифат ёки қизиқарлилик жиҳатидан эмас, бунга ҳали эрта, айнан танланган йўналиш жиҳатидан. Айнан шу нарса ҳозирда мухлисларга кераклигини, етишмаётганини хис қилдим негадир. Балки адашаётгандирман. Бу ерда эксклюзивлик (албатта бунга ҳам ҳаракат қилинади) кутманг, рақамлар-у жадваллар (бу ҳам бўлади, насиб қилса) қидириб овора бўлманг. Бу ерда асосан муҳим хабарлар, ижодий ишлар, таҳлилий мақолалар ва муносабатлар, ва албатта, сизнинг ёрдамингиз билан мунозаралар ўрин эгаллайди. Хориж сайтларидан таржима мақолалар ҳам асосан таҳлилий йўналишга асосланган. 

Сайт фаолияти давомида терма жамоаларимиз фаолиятига ва яна кучли бешлик чемпионатларига эксклюзив шарҳлар ва таҳлилларни ҳавола этишни ният қилган.  

Сайтда мақолалардан ташқари, тажрибали ва ёш блоггерларнинг ижодлари, мозий юлдузлари ва тарихнинг эътиборли воқеалари ҳақида турфа мақолалар, латифа ва қизиқарли фактлардан иборат бўлимлар, шунингдек, ҳаётий хикояларнинг ҳам ўрин олиши кўзда тутилган.  

Демак сезган бўлсангиз, сайт ривожининг бир учи сизга ҳам бориб тақаляпти, келинг, биргаликда яна футболдан гаплашишни бошлайлик. Бўлаётган ходисаларга аввало, таҳлилий ёндошишни, муносабат билдиришни ўрганайлик, фикран ривожланиб борайлик. Ният шу. 

Сайтнинг манзили: penalti.uz

Мобил версияси: penalti.uz/pda

Бундан ташқари, ёш хаваскор ижодкорларни ҳамкорликка ҳам чорлаб қоламиз.

Қаҳрамон Асланов