“Манчестер Юнайтед” бош мураббийи Эрик тен Хаг Европа лигаси доирасидаги бўлажак баҳсда Криштиану Роналдуга умид қилмоқда.

37 ёшли ҳужумчи нидерландияликнинг қарори билан шанба куни бўлиб ўтадиган "Челси"га қарши Англия чемпионатининг навбатдаги учрашувидан четлатилди.

“Криштиану жисмоний ҳолатини сақлаб қолиш учун индивидуал ишлайди. У "Шериф"га қарши ўйинга тайёргарлик кўрмоқда. Кейинги ҳафта албатта гаплашамиз. Унинг жамоага қўшадиган ҳиссаси муҳим", - деди тен Хаг.

Роналду жорий мавсум 12 та ўйинда 2 та гол ва 1 та голли узатмага муаллифлик қилди.