"Ювентус" бош мураббийи Массимилиано Аллегри Италия чемпионатининг 11-тури доирасидаги "Эмполи" устидан қозонилган ғалаба (4:0) ҳақида фикр билдирди.
"Энди биз кўпроқ жамоага ўхшаймиз. Биринчи 60 дақиқада "Эмполи" билан тўқнаш келиш осон бўлмади, чунки уларнинг футболчилари доимо прессинг қилишди ва тез-тез пас беришди. Биз ҳам устунликни ошириб, ҳам гол ўтказиб юборишимиз мумкин эди.
Биз яхшиланиб бормоқдамиз ва иккинчи бўлимда ҳам жамоа бир хил суръатни сақлаб қолгани жисмоний тайёргарлик даражаси ошиб бораётганидан далолат беради", - деди Аллегри ўйиндан кейин.
“Ювентус” кетма-кет иккинчи ўйинда ғалаба қозонди ва 19 очко билан Италия чемпионати турнир жадвалида 7-ўринга кўтарилиб олди. "Эмполи" 11 очко билан 11 ўринда бормоқда.
